सोमनाथ घार्गे अहिल्यानगरचे नवे पोलीस अधीक्षक; राकेश ओला यांची मुंबई येथे बदली

श्रीरामपूर येथे उपविभागीय पोलीस अधिकारी म्हणून काम पाहत असताना त्यांनी गुन्हेगारीवर वचक निर्माण केला होता. त्यांच्या कार्यकाळात श्रीरामपूर येथील बहुचर्चित अरुणा बर्डे हत्याकांड आणि देवळाली प्रवरा येथील बबलू पंडित हत्याकांडाचा यशस्वी तपास लावण्यात आला होता, ज्यामुळे त्यांची कार्यक्षमता आणि तपास कौशल्याची सर्वत्र प्रशंसा झाली होती. यानंतर सोमनाथ घार्गे यांनी मुंबई पोलीस दलात पोलीस उपायुक्त म्हणूनही जबाबदारी सांभाळली. तसेच, त्यांनी रायगड आणि छत्रपती संभाजीनगर (औरंगाबाद) येथेही पोलीस अधीक्षक म्हणून काम केले आहे. रायगड येथे पोलीस अधीक्षक म्हणून कार्यरत असताना त्यांनी कायदा व सुव्यवस्था राखण्यासोबतच अनेक गुन्ह्यांची उकल करण्यात महत्त्वाची भूमिका बजावली. नवे पोलीस अधीक्षक सोमनाथ घार्गे यांच्यासमोर अहिल्यानगर जिल्ह्यातील कायदा व सुव्यवस्थेचे आव्हान असणार आहे. त्यांच्या अनुभवाचा जिल्ह्याला फायदा होईल आणि गुन्हेगारी नियंत्रणात आणण्यात ते यशस्वी होतील, अशी अपेक्षा व्यक्त केली जात आहे. मावळते पोलीस अधीक्षक राकेश ओला यांनीही आपल्या कार्यकाळात जिल्ह्यात कायदा व सुव्यवस्था राखण्यासाठी प्रयत्न केले. आता त्यांच्या अनुभवाचा फायदा मुंबई पोलीस दलाला होणार आहे. या बदल्यांमुळे पोलीस दलात नवचैतन्य निर्माण होण्याची शक्यता आहे.