देवळाली प्रवरेत या वादातुन अजित मुसमाडेंना बदडले…!
तिन शेतकऱ्याविरुद्ध राहुरी पोलीस ठाण्यात गुन्हा दाखल
देवळाली प्रवरा/
राहुरी तालुक्यातील देवळाली प्रवरा येथे ऊसतोडणीच्या कारणावरून वाद चिघळत अजित मुसमाडे यांना तिघांकडून मारहाण करण्यात आल्याची धक्कादायक घटना घडली आहे. या घटनेमुळे परिसरात एकच खळबळ उडाली असून, नातेसंबंधांमध्येही तणावाचे वातावरण निर्माण झाले आहे.
याप्रकरणी अजित बाळासाहेब मुसमाडे यांनी राहुरी पोलिस ठाण्यात फिर्याद दाखल केली आहे. फिर्यादीत नमूद केल्यानुसार, शेतातील ऊस का तोडला याचा जाब विचारताच वादाने अचानक उग्र रूप धारण केले. यावेळी आरोपींनी संतापाच्या भरात शिवीगाळ करत लाथाबुक्क्यांनी मारहाण केल्याचा आरोप करण्यात आला आहे.
या घटनेप्रकरणी प्रशांत रमेश मुसमाडे, लक्ष्मण उत्तम मुसमाडे व उत्तम कृष्णाजी मुसमाडे यांच्याविरुद्ध राहुरी पोलिस ठाण्यात गुन्हा दाखल करण्यात आला आहे. पोलिसांनी पुढील तपास सुरू केला असून, या घटनेची देवळाली प्रवरा परिसरात जोरदार चर्चा रंगली आहे.
