spot_img
4.9 C
New York
Saturday, November 14, 2026

Buy now

spot_img

पुणेतुन तरुणाचे अपहार करत कोपरगावात आणुन त्याला विष पाजून खुन केला..

इंस्टाग्रामवर मेसेज पाठवत बहिणीला शिवीगाळ केल्याचा राग मनात धरून बहिण, भावासह पाच जणांनी एका तरुणाला पुण्यातून उचलून कोपरगाव तालुक्यातील कोकमठाण शिवारात आणत जबर मारहाण केली. तसेच त्याला विष पाजून त्याची हत्या केल्याचा आरोप मयताच्या नातेवाईकांनी केला आहे.

ही घटना 10 मे रोजी सकाळ ते दुपारच्या दरम्यान घडली असून साईनाथ गोरक्षनाथ काकड (वय 24, रा. डोर्‍हाळे ता. राहाता) असे मृत युवकाचे नाव आहे.

साईनाथ काकड याच्या घरी घटनेची माहिती मिळाल्यानंतर तरुणाला जखमी अवस्थेत शिर्डीच्या सुपर हॉस्पिटल येथे उपचारार्थ दाखल करण्यात आले. मात्र डॉक्टरांनी त्याला मृत घोषित केले. तरुणाचा मृत्यू झाल्यानंतर जमाव आक्रमक झाल्याने काही काळ तणावाची स्थिती निर्माण झाली होती.

मयत साईनाथचा भाऊ महेश काकड याने कोपरगाव शहर पोलिस ठाण्यात फिर्याद दिली आहे. साईनाथ व रुपाली संजय लोंढे हे एकमेकांना ओळखतात. ते दोघेही वेगवेगळ्या ठिकाणी पुणे येथे राहण्यासाठी होते. साईनाथने रुपाली हिच्या बहिणीला इस्टाग्रामवरुन मेसेज करुन शिवीगाळ केली. त्यामुळे यातील रुपाली संजय लोंढे, अनिल संजय लोंढे, दिनेश विठ्ठल आसने, पवन कैलास आसने, राहुल अशोक चांदर हे साईनाथ राहत असलेले ठिकाणी पुणे येथे गेले व त्याला घरातून ओढत आणून गाडीमध्ये टाकून कोकमठाण येथे नेले. कोकमठाण येथे साईनाथला मारहाण केली आणि त्याला काहीतरी विषारी औषध पाजून त्याचा खून केला आहे, असे फिर्यादीत म्हटले आहे.

दरम्यान, याप्रकरणी पाच जणांविरुद्ध गुन्हा दाखल करण्यात आला आहे. अधिक तपास शहर पोलिस निरीक्षक भगवान मथुरे करत आहेत.

Related Articles

निळवंडेच्या उजव्या कालव्याला उद्या सहा वाजता पाणी सुटणार; आमदार अक्षय कर्डिलेंच्या पाठपुराव्याला यश

निळवंडेच्या उजव्या कालव्याला उद्या सहा वाजता पाणी सुटणार; आमदार अक्षय कर्डिलेंच्या पाठपुराव्याला यश. राहुरीच्या पश्चिम भागातील शेतकऱ्यांना मोठा दिलासा; १५ दिवस सुरू राहणार आवर्तन, उभ्या...

मंत्री विखे पाटील आणि डॉ. सुजय विखे पाटील यांच्या पाठपुराव्याने ४८८ कर्मचाऱ्यांच्या सेवाकायमीचा मार्ग मोकळा

साई संस्थानच्या ४८८ कंत्राटी कर्मचाऱ्यांच्या सेवेत कायम होण्याचा मार्ग मोकळा; उच्च न्यायालयाचा महत्त्वपूर्ण निर्णय   मंत्री विखे पाटील आणि डॉ. सुजय विखे पाटील यांच्या पाठपुराव्याने ४८८...

ताज्या बातम्या

error: Content is protected !!