मुंबई :
आत्ताच एक मोठी बातमी समोर आली आहे. मुंबई आंतरराष्ट्रीय विमानतळ आणि ताज महल पॅलेस हॉटेलला बॉम्बने उडवून देण्याची धमकी देण्यात आली आहे. अनोळखी ईमेलवरून विमानतळ पोलिस ठाण्याला धमकीचा मेल आला आहे. त्यामुळे एकच खळबळ उडाली आहे.
दरम्यान धमकीचा मेल येताच मुंबई पोलिस यंत्रणा सतर्क झाली आहे. मुंबई विमानतळ आणि ताज महल पॅलेस हॉटेलबाहेर पोलिसांचा बंदोबस्त वाढवण्यात आला आहे.
याबाबत मिळालेल्या माहितीनुसार, मुंबई आंतरराष्ट्रीय विमानतळ आणि ताज महल पॅलेस हॉटेल पाईप बॉम्बने उडवून देण्याची धमकी देण्यात आली आहे. आज सकाळी विमानतळ पोलिस ठाण्यात धमकीचा मेल आला.
संसदेवरील हल्ल्याप्रकरणी फाशी झालेला दहशतवादी अफजल गुरू आणि सॅवक्कू शंकर यांना अन्यायकारक रित्या फाशी दिल्याचा मेलमध्ये दावा करण्यात आला आहे.
दरम्यान धमकीचा मेल येताच यंत्रणा सतर्क झाली आहे. viduthalai_puli_vellum नावाचा ईमेल आयडीवरून धमकी आल्याची माहिती समोर आली आहे. ईमेल आयडीच्या वापरकर्त्याविरोधात गुन्हा दाखल करण्यात आला आहे.
याप्रकरणी धमकी देणाऱ्याविरोधात भारतीय न्याय संहिता कलम १२५, ३५१(१) (३) (४) आणि ३५१ (१) ख अंतर्गत गुन्हा दाखल करण्यात आला आहे.
